:: أحـــــــس ::

[كريم بيومى]

أحس بضيقة تخنقني وأحس بداخلي محروم
وأحس إني وسط ناسٍ مالي بقلبها عنوان

أحس إني على الغربة غصب عايش وملزوم
وأحس إن قلبي ذاق صدى الهم والحرمان

إحساسي باني غريب يطوي رغبتي في النوم
محتاج قلبي يرتمي في حضن الحب والحنان

أضحك أنا مع هلي يحسبوني بالفرح مرسوم
وإن جيت أنا أببكي يحسبوني عاشق وولهان

ما دروا باللي فيني ولا دروا بالهموم
أحس كأني تايهٍ عايش في بحر الأحزان

أغرق أنا في محيطه ويطلبون مني العوم
يا كيف أنا أنجو وهم سبب هالخسران

كثير عيون تراقبني بنظرات الكره واللوم
على شي مب باختياري ولا لي به يدان

يلوموني على شكلي وعلى طبعي المذموم
ما دروا بأني مثلهم وولد فلان بن فلان

وايد ناس تنخدع بحضور سود الغيوم
تتجاهلها واتناساها ولا تحسب لها الحسبان

يمكن تكون علينا خير ويمكن تحمل الغموم
امنو يعلم الغيب ويعرف أسرار الزمان !

أنا عشت المرار وانطعنت بسهم مسموم
ولا زال مدسوس في وسط القلب الشقيان

أحس أنا ولا زلت أحس بأني تايه ومهموم
إحساسي هذا لو أمنعه ما أكون أنا إنسان

حتى الحجر أحيان يبكي على حالنا اليوم
فما بالك إذا كنت بدون إحساس أو أشجان

أبي أبكي أبي أفصح عن حياة كل مظلوم
ومصيري في النهاية أسكت وأفضل الكتمان


وسلامتكمـــ ^^