الحب و الكرامه

[no0or]

الموضوع الى انا هطرحه هو مش مشكله .. لا هو مجرد اختيار كلنا اكيد بنتعرضله ومفيش حد فينا مواجهش الاختيار ده .....

اختيار بين الحب والكرامه ..

اكيد اختيار صعب , فى ناس هتقول الحب , وفى ناس هتقول الكرامه , بس من رايى الشخصى علشان احكم او اختار بين الاتنين لازم هيكون فى ظروف اراعيها وقت اختيارى

يا ترى انتو ايه رايكم فى الموضوع ده ؟؟؟
الحب ..... ولا الكرامه ..... ولا ده شىء راجع للظروف المحيطه

اتمنى أسمع ارائكم , بس انا نفسي اخد راى الجميع فى حاجه

لو انا محتاجه لانسان معين ..محتاجله جدا ... هل يا ترى من الصح انى اروحله وانزل من كرامتى قدامه واقوله انا محتاجه لك خليك جمبى .. ولا احط كرامتى وعزه نفسي فوق احتياجى ليه وحبى ليه ؟؟؟

أتمنى اسمع راي كل الاعضاء فى الموضوع واتمنى كمان يردو على سؤالى

[mido_007]

لو انتو بتحبو بعض وانتو كنتو بتحبو بعض زمان ..وزعلتو مع بعض ..يبقى الافضل لو فعلان بتحبيه يبقى اتنزلى
وابدئو فى حل مشاكلكم مع بعض ..ويا ريت مدخلوش رئى ثالث فى ..التعامل معاكم
مع تحياتى ويا رب يكون ..قدرت انى انفعك ..فى رئى

[Prince_Of_Dark]

اسمع ان مفيش بين المحبين كرامة و انا عن نفسى ماعرفش اطبق الموضوع دة انا اقول الكرامة قبل الحب

بس خلووو بلكم انا مابقصدش عدم التضحية لا التضحية شىء و الكرامة شىء اخر .

بمعنى ان لو انت حتضحى من اجل استمرار الحب فى شىء بسيط ماشى لكن لو التضضحية دى حتوصل انك تهين كرامتك بين الناس او امام من تحب فبلاش من الانسان دة اصلا

تحياتى اليكى نور

برنــــــــــــــــ اوف دارك ـــــــــــــــس

[ماريا]

انا اقول كرامتي فوق كل شيئ

[nano0osa cuta]

كيد كرامتي قبل الحب its sure

[الفارس]

وأصون كرامتى من قبل حبى
جملة مشهورة جدا
واللى كلنا مفكرناش فيه إن الحب الحقيقى يمنعنا إننا نجرح أو حتى نخدش جزء بسيط جدا من كرامة إنسان عزيز علينا


أما موضوع الاحتياج وإن أنا أبقى محتاج لحد فدى مسألة نسبية
لأن الإنسان فى وقت الأزمات بيحب إن الناس اللى بيحيهم يبقوا قريبين منه فى وقت الشدة علشان يساعدوه ويخرجوه من أزمته
لكن كرامته المفروض تمنعه إنه يلح عليهم فى طلب الوقوف بجانبه
لأنهم فى هذه الحالة بيوصلولوا رسالة معينة ( إحنا مش عايزينك )
بالتالى لازم تكون كرامته فوق كل اعتبار



بس أرجع وأقول مفيش قلب بيسامح زى قلب الإنسان اللى فعلا بيحب بجد

[Admin]

طبعا اختار الكرامه عن الحب

مع ان فى اوقات بيكون فيها الحب من غير كرامه

وفى الموقف اللى انتى قولتيه ده يانور

يبقى الانسانه ده لازم تروح للشخص اللى محتاجه له وتقوله

ولو هوه بيحبها او حتى كان بيحبها مش هيتردد يقف جنبها ويساعدها

تحياتى لكى

[joker]

مرحبا اختي من المنطق انو الانسان يعيش لحظات حب وبرغم من هيدي الشي الانسان الو كرامه والكرامه مهمه لشخصيتك بس انت بتحبي الحب حب بس اسمعي ادا انت بتحبي وبيأثر على كرامتك سيبك منو الله خلق غيرووو ما في مشكله متل ما حبتي حبي غيرو الانسان الي يحافظ عليكي المهم انت وانت النا واحنا بنحافظ عليكي خيتا متل ما حبتي واعجبتي الا يجي يوم تحبي غيرو مع تحيات الاخ جوكير

[moonlight]

فى البدايه كنت عايز اقول لحضرتك انك مكبره اموضوع زياده عن اللازم او بالأصح ده مش موضوع مناقشة أنا أأقصد ان مفيش مجال ان الواحد يحتار فى الأختيار وزى ما شفتى الأجابه واحده ماعدا اجابه ميدو الى انا مش فاهمها لكن طبعا الكرامه فووووووووووق اى شئ ماعدا الدين
إذا كان الحب على حساب الكرامه فبسقط الحب وتحيا الكرامه
إذا كان الحب على حساب الكرامه فبسقط الحب وتحيا الكرامه
إذا كان الحب على حساب الكرامه فبسقط الحب وتحيا الكرامه
إذا كان الحب على حساب الكرامه فبسقط الحب وتحيا الكرامه
وكان نفسى اكتبها الف مره

[DODDOS7]

هههههههههههههههههههههههههههه

هو فى حب الى بيحب واحده تفتكرو هى بتبادله المشاعر و لا تشوف حيقدر يجيب و يشترى و يخليها تحس انها احسن من الكل او تستغل الحب عشان تسيطر على الحياه بينهم

الوضع اختلف

زمن الحب انتهىىىىىىىىىىىىىىىىىىىىىىىىىىىىىىىىىىى

تحياتى

[moonlight]

مكن نعرف ردك

[first_love]

انا اقول كرامتي بس

[no0or]

بصراحه ....
صدمتنى ردودكم

No Comment